جناب محمد شعیب، ال میزان انوسٹمنٹ مینجمنٹ لمیٹڈ کے بانی چیف ایگزیکٹیو آفیسر ہیں جو 30 دسمبر 2022 سے پاکستان کی سب سے بڑی ایسیٹ مینجمنٹ چلی آ رہی ہے۔ آپ کا ماضی پاکستان کی پہلی تابع شریعہ ایسیٹ مینجمنٹ کمپنی قائم کرنے سے شروع ہو کر اسے پاکستانی صنعت کی سب سے بڑی کمپنی بنانے پر محیط ہے جس کے زیر انتظام(SMA سمیت) 283 بلین روپے مالیت کے فنڈز ہیں۔

آپ نے انسٹیٹیوٹ آف بزنس ایڈمنسٹریشن (IBA) سے 1988 میں ایم بی اے کیا اور پھر 1999 میں امریکا کے CFA انسٹیٹیوٹ سے CFA کی سند حاصل کی۔ آپ کے پاس 2002 میں ”سی ایف اے سوسائٹی پاکستان“ قائم کرنے کا اعزاز بھی حاصل ہے جس میں آپ نے بہ حیثیت بانی صدر خدمات سر انجام دیں۔

آپ کو تابع شریعہ سرمایہ کاری کے ساتھ ساتھ پاکستانی سرمایہ کاری ماہرین کی مہارتیں بڑھانے کی غرض سے سی ایف اے پروگرام کو بہ طور اوزار استعمال کرنے کی تریج کے لئے کئی اعزازات سے نوازا گیا ہے۔ سال 2006 میں سی ایف اے انسٹیٹیوٹ میگزین نے آپ کو ”با اثر ترین سی ایف اے چارٹر ہولڈر“کا اعزاز دیا اور بعد ازاں 2019 میں سی ایف اے انسٹیٹیوٹ نے آپ کو”Volunteer of the Year: Lifetime Achievement Award“سے نوازا۔

مالیاتی شعبہ کے کئی علاقوں میں محمد شعیب سرگرم کردار ادا کرتے آ رہے ہیں۔ بہ طور رضاکار ادا کئے جانے والے آپ کے کرداروں میں پاکستان اسٹاک ایکسچینج کے بورڈ میں شامل SECP کے نامزد کردہ ڈائریکٹر، پاکستان کے انسٹیٹیوٹ آف فنانشل کیپٹل مارکیٹس کے بورڈ کے رکن، میوچل فنڈز ایسوسی ایشن آف پاکستان کے چیئرمین، پاکستان انسٹیٹیوٹ آف کارپوریٹ گورنینس کے بورڈ رکن، وغیرہ شامل ہیں۔

دسمبر 2021 میں آپ کو ایشیاء ایسیٹ مینجمنٹ نے ایشیاء میں ”ایسیٹ مینجمنٹ میں اولین 25 لیڈروں میں شامل“ قرار دیا، اور سال 2022 میں انہوں نے 16 ویں کنزیومرز چوائس ایوارڈ میں ”سی ای او آف دی ائر“ کا ایوارڈ حاصل کیا۔

انہوں نے عالمی کاروباری رہنماؤں اور چیف ایگزیکٹیو آفیسرز کے ساتھ ہاورڈ بزنس اسکول میں ایڈوانسڈ مینجمنٹ پروگرام میں بھی شرکت کی ہے جو سیکھنے کی ان کی لگن کو ظاہر کرتی ہے۔

محمد شعیب سی ایف اے سوسائٹی آف پاکستان کے بورڈ کے رکن بھی ہیں اور ایڈووکیسی اور GIPS چیئر کے پورٹ فولیو کے حامل ہیں۔ آپ میوچل فنڈز ایسوسی ایشن آف پاکستان کے بورڈ میں بحیثیت ڈائریکٹر شامل ہیں۔ مزید یہ کہ غیر بینکاری مالیاتی سیکٹر میں اسلامی مالیات کی ترویج کے لئے SECP کی تشکیل کردہ کمیٹی کے رکن کے طور پر بھی نامزد کئے گئے ہیں۔